Dünən Gənclər və İdman Nazirliyinin Kollegiya iclasında 2026-cı il üçün yeni idman səfirləri seçilib.

Bunlar Ülviyyə Fətəliyeva (şahmatçı), Vəfa Musayeva (alpinist), Aynur Yusufova (akrobatika gimnastikası üzrə məşqçi), Dadaş Dadaşbəyli (ağırlıqqaldıran) və Elçin Əsədovdur (sabiq velosiped idmançısı).

Prosport.Az-ın xəbərinə görə, bunlardan yalnız Dadaş Dadaşbəyli növbəti dəfə idman səfiri seçilib. Əvvəl 3 kişi və 2 qadın idmançısı səfir idisə, indi gender nisbətində qadınlar çoxdur.

Belə ki, ötən il Aliyə Paşayeva (bədii gimnastika), Fəridə Əzizova (taekvondo), Orxan Səfərov (cüdo), Dadaş Dadaşbəyli (ağırlıqqaldırma) və Xəyyam Orucov (milli idman növləri) idman səfirləri seçilmişdi.