Çinin Çendu şəhərində keçirilən XXXI Ümumdünya Yay Universitet Oyunlarında daha bir cüdoçumuz medal qazanıb.

Prosport.Az xəbər verir ki, 73 kiloqram çəkidə çıxış edən Rəşid Məmmədəliyev mübarizəyə 1/8 final mərhələsindən qoşulub.

O, İspaniya, İtaliya, Monqolustandan olan rəqiblərinə qalib gəlib. Həlledici qarşılaşmada yapon Tatsuki İşiharaya məğlub olan Rəşid Məmmədəliyev Umiversiadanı gümüş medalla başa vurub.

Qeyd edək ki, daha əvvəl 66 kiloqram çəki dərəcəsində cüdoçumuz Yaşar Nəcəfov və qadınların yarışında 48 kiloqramda Leyla Əliyeva 3-cü yeri tutub.

Çinə 87 tələbə idmançı ilə qatılmış Azərbaycan bu nəticə ilə medal sıralamasında Almaniya ilə bərabər 18-ci sıradadır. Meydan sahibi Çin artıq 21 medal (13-5-3) qazanıb. Yaponiya 2-ci (9-3-5) və Koreya 3-cüdür (8-6-4).