Azərbaycan cüdoçuları Özbəkistanın paytaxtı Daşkənddə keçirilən "Böyük Dəbilqə" turnirini 7 medalla tamamlayıb.

Prosport.Az xəbər verir ki, olimpiya çempionu Zelim Kotsoyev (100 kq) 3-cü yer uğrunda görüşdə Rusiya təmsilçisi Adam Sanqariyevi ipponla məğlub edərək bürünc medal qazanıb.

Kənan Nəsibov (+100 kq) qızıl, Camal Qamzatxanov (+100 kq) isə bürünc mükafata sahib çıxıb.

Qeyd edək ki, daha əvvəl Murad Fətiyev (90 kq), Ömər Rəcəbli (81 kq), Əhməd Yusifov (60 kq) qızıl, Balabəy Ağayev (60 kq) isə gümüş medal qazanıblar.