Bu gün İtaliyanın Milan şəhərində keçirilən qılıncoynatma üzrə dünya çempionatında qadın sablyaçılar arasında komanda yarışına start verilib.

Prosport.Az xəbər verir ki, Anna Başta, Səbinə Kərimova, Polina Kaspiaroviç və Valeriya Bolşakovadan ibarət kollektiv ən güclü "16-lığ"a yüksəlmək uğrunda keçirilən görüşdə Argetina millisinə 45:33 hesabı ilə qalib gəlib. Millimiz növbəti görüşdə Almaniya yığmasını 45:32 hesabı ilə məğlub edərək dünya çempionatında ən güclü "8-liy"ə yüksəlib.

Komandamız sabah yarımfinala yüksəlmək uğrunda keçiriləcək görüşdə Koreya seçmə kollektivi ilə qarşılaşacaq.

Qeyd edək ki, fərdi yarışlarda qadın və kişi qılıncoynadanlarımız medalsız qalıb.