17 yaşadək qızlardan ibarət milli həndbol komandamız avqustun 5-dən 13-dək Bakıda keçiriləcək Avropa çempionatına hazırlıqlarını davam etdirir.

Prosport.Az xəbər verir ki, hazırlıq prosesi baş məşqçi Sergey Kambur və köməkçisi Səkinət Abbasovanın rəhbərliyi ilə aparılır. Gündə 1 dəfə olmaqla, hər gün “AHF Arena”da təşkil olunan məşqlər hazırda taktiki-texniki istiqamətdə aparılır.

Qeyd edək ki, millimiz A qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq. B qrupunda isə İspaniya, İsrail, Yunanıstan, Lüksemburq və Farer adaları mübarizə aparacaq.