Bakıdakı Milli Gimnastika Arenasında batut gimnastikası və tamblinq üzrə Dünya kuboku keçirilir.

Prosport.Az xəbər verir ki, 6 ölkədən ümumilikdə 66 gimnastın iştirak etdiyi yarışda batut gimnastikasında Azərbaycanı batut gimnastikasında 8, tamblinqdə isə 4 idmançı təmsil edir.

Təsnifat mərhələsinin nəticələrinə əsasən, batut gimnastikası üzrə fərdi proqramda Selcan Mahsudova və Maqsud Mahsudov, qarışıq sinxron proqramda Maqsud Mahsudov – Selcan Mahsudova cütlüyü, sinxron qadınlar proqramında Selcan Mahsudova – Şəfiqə Hümbətova, sinxron kişilər proqramında isə Maqsud Mahsudov – Hüseyn Abbasov cütlüyü final mərhələsinə vəsiqə qazanıb.

Tamblinq üzrə Tofiq Əliyev və Mixail Malkin də final mərhələsində çıxış etmək hüququ əldə edib.

Qeyd edək ki, sabah saat 12:00-da başlayacaq final mərhələsi ilə Dünya Kuboku sona çatacaq.