Cüdo üzrə Azərbaycan millisinin Özbəkistanın paytaxtı Daşkənd şəhərində keçiriləcək “Böyük Dəbilqə” turniri üçün ilkin heyəti açıqlanıb.

Prosport.Az Beynəlxalq Cüdo Federasiyasının (IJF) rəsmi saytına istinadən xəbər verir ki, ölkəmizin yarışda ümumilikdə 10 çəki dərəcəsində 20 cüdoçu ilə (13 kişi, 7 qadın) təmsil olunacağı gözlənilir.

Heyətdə Olimpiya çempionları Hidayət Heydərov və Zelim Kotsoyev də yer alıblar.

Kişilərin mübarizəsində Yusif Əhmədov, Balabəy Ağayev (hər ikisi 60 kq), Turan Bayramov, Nizami İmranov (hər ikisi 66 kq), Kamran Süleymanov, Hidayət Heydərov (hər ikisi 73 kq), Zelim Tçkayev, Ömər Rəcəbli (hər ikisi 81 kq), Murad Fətiyev (90 kq), Zelim Kotsoyev, Əjdər Bağırov (hər ikisi 100 kq), Kənan Nəsibov və Camal Qamzatxanov (hər ikisi +100 kq) qüvvəsini sınayacaq.

Qadınlarda isə Könül Əliyeva, Şəfəq Həmidova (hər ikisi 48 kq), Leyla Əliyeva, Aydan Vəliyeva (hər ikisi 52 kq), Fidan Əlizadə (57 kq), Südabə Ağayeva (70 kq) və Mədinə Xaysinova (+78 kq) tatamiyə çıxacaq.

Qeyd edək ki, turnir fevralın 27-dən martın 1-dək təşkil olunacaq.