Hesablama Palatası Gənclər və İdman Nazirliyinin idmanın inkişafı istiqamətində fəaliyyətinin auditini aparıb.

Prosport.Az xəbər verir ki, bu barədə Palatada keçirilən növbəti Kollegiya iclasında məlumat verilib.

Auditor hesabatının təsdiq edilməsi, aşkar edilmiş nöqsanların aradan qaldırılması məqsədilə audit olunan qurum tərəfindən zəruri tədbirlərin görülməsi barədə qərar qəbul olunub.

İclasın 2-ci hissəsində 2026-cı ilin İş Planına əsasən, bir nəzarət tədbirinin başlanılması ilə bağlı proqram müzakirə edilərək təsdiqlənib.

Qeyd edək ki, Hesablama Palatası daha əvvəl də nazirlikdə nöqsanlar aşkarlayıb.