Azərbaycanın 16 yaşlı oğlanlardan ibarət basketbol millisi Kosovonun paytaxtı Priştinada keçirilən Avropa çempionatının C divizionunda finala yüksəlib.

Prosport.Az xəbər verir ki, yığma yarımfinalda Andorra yığmasını 87:64 hesabı ilə məğlub edərək həlledici görüşə vəsiqə qazanıb.

Milli komandanın finaldakı rəqibi Kipr – Kosovo cütünün qalibi olacaq. Final sabah Bakı vaxtı ilə saat 22:00-da başlayacaq.

Qeyd edək ki, daha əvvəl U-16 qız millimiz Avropa çempionatının C divizionunun qalibi olub.