Beynəlxalq Velosipedçilər İttifaqı (UCI) Azərbaycan velosipedçisi Artyom Proskuryakovu antidopinq qaydalarını pozduğuna görə 3 il müddətinə diskvalifikasiya edib.

Prosport.Az UCI-nin rəsmi saytına istinadən xəbər verir ki, idmançının dopinq nümunələrində narkotik maddə olan metamfetamin və onun metabolitlərinin izləri aşkar edilib.

Nümunələr ötən ilin sentyabrında Uqandada keçirilmiş gənclər arasında şose velosipedi üzrə dünya çempionatı zamanı toplanıb.

Diskvalifikasiya müddəti ötən il noyabrın 18-dən hesablanır və 2028-ci il 17 noyabr tarixinə qədər davam edəcək. 

Qeyd edək ki, Azərbaycan Velosiped İdmanı Federasiyasının prezidenti “Silk Way” şirkətinin rəhbəri Zaur Axundovdur.