Ümumdünya Antidopinq Agentliyinin (WADA) 2026-cı il üçün açıqladığı qadağan edilmiş maddələrin siyahısı bugündən qüvvəyə minib.

Bu barədə Prosport.Az-a Azərbaycan Milli Antidopinq Agentliyindən (AMADA) bildirilib.

Siyahı 3 hissədən – hər zaman qadağan edilmiş maddələr və üsullar, yarış müddətində qadağan edilmiş maddələr və üsullar və müəyyən idman növlərində qadağan edilmiş maddələrdən ibarətdir.

2026-cı il üçün açıqlanan qadağan edilmiş maddələrin siyahısı AMADA tərəfindən Azərbaycan dilinə tərcümə olunub. Siyahı ilə yanaşı, əsas dəyişikliklərin xülasəsi və monitorinq proqramı da tərcümə edilərək AMADA-nın rəsmi internet səhifəsində yerləşdirilib.

Qadağan edilmiş maddələrlə bu linkə daxil olaraq tanış olmaq mümkündür (https://amada.az/site/assets/files/1978/qadagan_edilmis_siyahi_2026.pdf)