Andorrada keçirilən 16 yaşadək qız basketbolçuların Avropa çempionatının C divizionunda yarışan Azərbaycan millisinin 2 üzvü mükafatlandırılıb.

Prosport.Az-ın xəbərinə görə, Ela Nur Gökçöl 8 komandanın iştirakı ilə keçirilən turnirin ən dəyərli oyunçusu (MVP) seçilib. O, 19 xal, 9 ribaund və 5 assistlə yadda qalıb. 

Həmçinin millimizdən Şilan Akbingöl, Ermənistandan Seda Qabrielyan, Gürcüstandan Salome Svani və Andorradan Andrea Kobo ən yaxşı "5-lik" (All-Star Five) seçilib. Akbingöl 15 xal və 25 ribaundla yadda qalıb.

Qeyd edək ki, yarışın qalibi Azərbaycan olub. Andorra gümüş, Gürcüstan isə bürünc medallara yiyələnib.