Gənclər və İdman Nazirliyi ilin idman yekunları ilə bağlı qala mərasimi keçirib.
Prosport.Az xəbər verir ki, tədbirə idman təşkilatlarının, federasiyaların, media qurumlarının rəhbərləri, idmançılar, məşqçilər və idman ictimaiyyətinin nümayəndələri qatılıblar.
Qala mərasimində Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva da iştirak edib.
Tədbir Dövlət Himninin səsləndirilməsi ilə başlayıb. Daha sonra Ümummilli Lider Heydər Əliyevin və Vətənimizin azadlığı uğrunda canından keçən şəhidlərin xatirəsi bir dəqiqəlik sükutla yad edilib.
Gənclər və idman naziri Fərid Qayıbov 2025-ci ilin Azərbaycan idmanı üçün kifayət qədər uğurlu keçdiyini qeyd edib. Nazir il ərzində 2113 medalın qazanıldığını, bunun 30 faizinin qızıl əyarlı olduğunu bildirib. Bu isə Azərbaycan idmanı tarixində rekord göstəricidir. Nazir bu nailiyyətlərin Prezident İlham Əliyevin idmana göstərdiyi diqqət və qayğı nəticəsində əldə olunduğunu vurğulayıb.
Daha sonra 4 nominasiya üzrə xüsusi mükafatlar təqdim olunub. Deflimpiya Oyunlarının gümüş mükafatçısı Coşqun Əliyev (cüdo, 60 kiloqram), boks üzrə dünya çempionu Sübhan Mamedov (50 kiloqram), Azərbaycan Atçılıq Federasiyası və cüdo üzrə qarışıq komanda xüsusi mükafata layiq görülüb.
2025-ci ilin idman yekunları barədə hesabat videoçarxı təqdim edildikdən sonra federasiyalar, idman jurnalistləri arasında və sosial mediada aparılmış sorğu əsasında müəyyənləşmiş müxtəlif nominasiyalar üzrə ilin qaliblərinin mükafatlandırılması mərasimi olub.
Mərasimdə ilin ən yaxşı idman fotoqrafları, media qurumları və idman jurnalistləri də açıqlanıb. Tədbirdə mükafatlandırılanlardan biri də Prosport.Az saytının təsisçisi və baş redaktoru Səbuhi Musadır. O, ilin ən yaxşı idman jurnalisti (onlayn media) nominasiyası üzrə yer tutanlar arasında olub.
İlin ən yaxşı idman veteranı
Tərlan Həsənov (cüdo)
Tamilla Bünyatova (atletika)
Məhəmməd Müslümzadə (sambo)
İlin ədalətli oyun nominasiyası
Azərbaycan Badminton Federasiyası
Azər İlyasov (Kanoe və avarçəkmə)
Rauf Məmmədov (şahmat)
İlin ən yaxşı uşaq-gənclər idman məktəbi
“Ulduz” Futbol Akademiyası
Respublika Kompleks İdman Məktəbi
Şuşa Uşaq-Gənclər İdman Məktəbi
İlin ən yaxşı idman filmi və videoçarxı
“Arzunun ardınca” (Everestə çıxan Elmira Aslanova haqqında film)
“Baku Open” şahmat festivalı üçün videoçarx
“Uğur hekayəni yalnız öz gücünlə yaza bilərsən” (taekvondo)
İlin ən yaxşı idman fotoqrafı
İlqar Cəfərov ("Azərtac" Agentliyi)
İslam Atakişiyev (idman.biz)
Samirə Həsənova ("Report" Agentliyi)
İlin ən yaxşı idman media qurumları (Onlayn media)
İdman.biz
"Azərtac" Agentliyi
“Report" Agentliyi
İlin ən yaxşı media qurumları (Telekanallar)
"İctimai TV"
“CBC Sport”
"İdman TV"
İlin ən yaxşı idman jurnalistləri (Yazılı media)
Elmir Əliyev (Haqqın.az)
Elnur Salahov ("Azərtac" Agentliyi)
Səbuhi Musayev (Prosport.Az)
İlin ən yaxşı televiziya jurnalisti
Arifə Lətifova (“CBC Sport”)
Fəridə Abdulla ("İctimai TV")
Vüqar Nəzərov ("İdman TV")
İlin ən sosial media fenomeni
Tofiq Əliyev (tamblinq üzrə ikiqat dünya çempioni)
Səhər Mehman (Azərbaycan Velosiped İdmanı Federasiyasının məşqçisi, ölkəmizin ilk qadın velosiped təlimçisi)
Günay Arazova (fitnes məşqçisi)
İlin ən yaxşı idman klubu
“Ocaq Sport” İdman Klubu
“Neftçi” İdman Klubu
DİN-in İdman Cəmiyyəti
İlin ən yaxşı idman qurğusu
Milli Gimnastika Arenası
Gəncə İdman Sarayı
Tofiq Bəhramov adına Respublika Stadionu
İlin ən yaxşı Olimpiya İdman Kompleksi (OİK)
Quba OİK
Şəki OİK
Şirvan OİK
İlin ən yaxşı idman həkimi
Zaur Abdullayev (Azərbaycan Boks Federasiyası)
Müşfiq İbrahimov (Azərbaycan Güləş Federasiyası)
Ramil Vəliyev (Azərbaycan Cüdo Federasiyası)
İlin ən yaxşı hakimi
Nazim Umbayev (Azərbaycan Cüdo Federasiyası)
Eldar Zülfüqarov (Azərbaycan Voleybol Federasiyası)
Cahangir Babayev (Azərbaycan Karate Federasiyası)
İlin ən yaxşı idman tədbiri
MDB Oyunları
Minifutbol üzrə dünya çempionatı
UFC döyüş gecəsi
“İlin ən yaxşı idman federasiyası
Azərbaycan Cüdo Federasiyası
Azərbaycan Boks Federasiyası
Azərbaycan Gimnastika Federasiyası
İlin qadınlardan ibarət ən yaxşı klub komandası
“Azərreyl” voleybol klubu
“Neftçi” futbol klubu
“Azəryol” həndbol klubu
İlin kişilərdən ibarət ən yaxşı klub komandası
“Qarabağ” futbol klubu
“Sabah” basketbol klubu
“Kür” həndbol klubu
İlin ən yaxşı idman dəstəkçisi
“iTicket.az”
“Azercell”
“Azəryolservis”
Uğurlu beynəlxalq əməkdaşlığa görə
Azərbaycan Avtomobil Federasiyası
Azərbaycan Üzgüçülük Federasiyası
Azərbaycan Kanoe və Avarçəkmə Federasiyası
2025-ci ildə dövlət qurumları arasında idman yarışlarına görə
Fövqəladə Hallar Nazirliyi
SOCAR
Daxili İşlər Nazirliyi
İlin kişilərdən ibarət ən yaxşı milli komandası
Minifutbol üzrə milli komanda
Boks üzrə milli komanda
Yunan-Roma güləşi üzrə milli komanda
İlin qadınlardan ibarət ən yaxşı milli komandası
3×3 basketbol üzrə milli komanda
Şahmat üzrə milli komanda
Futbol üzrə milli komanda
Qeyri-olimpiya idman növləri üzrə ilin ən yaxşı baş məşqçisi
Elşad Quliyev (minifutbol)
Nicat Abasov (şahmat)
Hikmət Hacıyev (kikboksinq)
İlin ən yaxşı qadın məşqçisi
Əminə Abdullətif (cüdo)
Fəridə Əzizova (taekvondo)
Samirə Hüseynova (qılıncoynatma)
İlin ən yaxşı kişi məşqçisi
Qurban Qurbanov (“Qarabağ” futbol klubu)
Rixard Trautman (cüdo)
Elbrus Rzayev (boks)
İlin ən yaxşı paralimpiyaçısı
İlham Zəkiyev (paracüdo)
Roman Saley (paraüzgüçülük)
Kamran Zeynalov (paragülləatıcılığı)
Qeyri-olimpiya idman növləri üzrə ilin ən yaxşı idmançısı
İrina Zaretska (karate)
Ülviyyə Fətəliyeva (şahmat)
Elvin Məmmədov (kikboksinq)
İlin ən yaxşı qadın idmançısı
Jalə Əliyeva (güləş)
Südabə Ağayeva (cüdo)
Nigar Nəsirova (atıcılıq)
İlin ən yaxşı kişi idmançısı
Həsrət Cəfərov (yunan-Roma güləşi)
Zelim Kotsoyev (cüdo)
İsa Rüstəmov (ağırlıqqaldırma)
Mükafatçılar bəlli olduqdan sonra tədbir bədii hissə ilə davam edib.