Andorrada 16 yaşlı qızlar arasında keçirilən basketbol üzrə Avropa çempionatı C divizionunda Azərbaycan millisi Gürcüstan yığmasına qarşı yarımfinal oyununa çıxıb.

Prosport.Az-a verilən məlumata görə, Azərbaycanın U-16 qız yığması hesabda geri düşməsinə baxmayaraq, sonuncu dövrədə geri dönüş edərək yekunda Gürcüstan millisinə 74:72 hesabı ilə qalib gəlib.

Bununla da bütün oyunları qalib tamamlayan U-16 qız millimiz Avropa çempionatının finalına vəsiqə qazanıb. Finalda millinin rəqibi meydan sahibi Andorra olacaq.

Qeyd edək ki, oyun bu gün Bakı vaxtı ilə saat 21:30-da baş tutacaq və FIBA -nın rəsmi "Yutub" hesabından canlı yayımlanacaq.

Xatırladaq ki, komandamız daha əvvəl Andorranı ilk matçda 64:50 hesabı ilə məğlub edib. Bundan sonra türkiyəli məşqçi Evren Alkayanın yetirmələri Moldovanı 78:55 və Albaniyanı 69:64 hesabı ilə yenib.