"Formula 1" pilotu Fernando Alonso və “Boss” şirkəti rəsmi müqavilə imzalayıb.

Prosport.Az xəbər verir ki, sözləşməyə əsasən, ikiqat dünya çempionu şirkətin rəsmi səfiri təyin edilib.

Bundan sonra Alonso təntənəli tədbirlərdə “Boss”un geyimində olacaq. Bundan əlavə o, şirkətin reklam çəkilişlərində və promo aksiyalarında iştirak edəcək.

“Boss” markasını çoxdan bəyənirəm. “Aston Martin” komandasının sponsor tərəfdaşlığı çərçivəsində səfir funksiyasını daşımaq çox xoşdur. Məmnuniyyətlə bu işi yerinə yetirəcəyəm. Əməkdaşlığın başlamasını, kompaniyanı "Formula 1" traslarında və kənarda təmsil etməyi səbrsizliklə gözləyirəm”, – deyə ispaniyalı pilot bildirib.