Türkiyədən Monqolustana piyada səfər edən, hazırda Azərbaycandan tranzit kimi istifadə edən türk bloqer Oğuzhan Tıraş Ağdamın Quzanlı qəsəbəsində qaldığı yerdən şikayətlənib.

Prosport.Az-ın xəbərinə görə, bloqer 1 gecəlik 20 manata tutduğu Ağdam Olimpiya İdman Kompleksinin otağındakı şəraitdən dəhşətə gəlib. 

O, qaldığı otaqda və dəhlizdə divarların uçması və rütubətdən şoka düşüb.

Qeyd edək ki, Gənclər və İdman Nazirliyinin balansında olan Ağdam Olimpiya İdman Kompleksinin tikintisinə 2006-cı ilin yazında başlanılıb. 17 yanvar 2008-ci ildə ölkə Prezidenti İlham Əliyevin iştirakı ilə açılış həyata keçirilib. Çox maraqlıdır ki, yalnız 1 il sonra – 5 yanvar 2009-cu ildən kompleks fəaliyyət göstərməyə başlayıb (nazirliyin saytında belə yazılıb). 3 hektar ərazisi olan kompleksin ərazisində hərəsində 3 yataq yeri olmaqla 10 otaqlı mehmanxana da var. "Qarabağ" futbol klubu 2008/2009 mövsümündə kompleksin stadionunda Azərbaycan Premyer Liqasının bəzi ev oyunlarını keçirib.