Ermənistanın paytaxtı İrəvanda ağırlıqqaldırma üzrə Avropa çempionatının açılış mərasimində Azərbaycan bayrağı yandırılıb.

Prosport.Az xəbər verir ki, tədbirdə Azərbaycan millisi iştirak etməyib.

Səhnəyə çıxanlardan bir nəfər bayrağı yandırıb. Lakin yanan bayraq tezliklə səhnədən yığışdılaraq yenisi ilə əvəz olunub. Onun dizayner Aram Nikolyan olduğu müəyyən edilib.

Qeyd edək ki, Avropa çempionatında iştirak edəcək Azərbaycan ağırlıqqaldırma yığması artıq Tbilisi vasitəsilə İrəvana gəlib. Ölkəmiz yarışa 12 nəfərlik nümayəndə heyəti ilə yollanıb.