Həndbol komandalarımız 2023/2024 mövsümündə EHF Avropa Kubokunda mübarizə aparacaq.

Prosport.Az xəbər verir ki, yarışa 1/32 final mərhələsindən qatılacaq təmsilçilərimizin rəqibləri də artıq məlumdur.

Dünən Avstriyanın paytaxtı Vyanada atılan püşkün nəticələrinə görə, qadınlardan ibarət “Azəryol” Bosniya və Hersoqovinanın “Krivaya”, “Qarabağ” İspaniyanın “KH-7 BM Qranolyers”, “Kür” isə İtaliyanın “Yomi Salerno” komandası ilə qarşılaşacaq.

İlk oyunlar 23-24 sentyabrda keçiriləcək. Mərhələnin cavab görüşləri isə 30 sentyabr – 1 oktyabr tarixlərinə təyin olunub.

Püşk kişilərdən ibarət “Azəryol” komandasına 1-ci mərhələdə üzləşəcək “Winner of HC Amber” (Litva) – “SV Briksen” (İtaliya) cütünün qalibini rəqib seçib. Digər təmsilçimiz “Kür” isə Xorvatiyanın “Sesvete” kollektivi ilə mübarizə aparacaq.

İlk oyunlar oktyabrın 14-ü və 15-də, cavab matçları 21-22 oktyabr tarixlərində olacaq.