Çexiyanın paytaxtı Praqada keçirilən cüdo üzrə Açıq Avropa Turniri başa çatıb.

Prosport.Az xəbər verir ki, sonuncu yarış günündə millimiz aktivinə daha 3 medal yazdırıb.

81 kq çəki dərəcəsində Məhərrəm İmamverdiyev keçirdiyi 6 görüşün hamısını qələbə ilə tamamlayaraq qızıl medalı boynundan asıb. Qadın cüdoçularımızdan Könül Əliyeva (48 kq) və Gültac Məmmədəliyeva (52 kq) isə bürünc medallara sahib çıxıblar.

Qeyd edək ki, yarışda daha əvvəl İslam Rəhimov (66 kq) qızıl, Nazir Talıbov (66 kq) gümüş, Hüseyn Allahyarov və Murad Muradlı (hər ikisi 60 kq) bürünc medallara layiq görülüb.

Yekunda 2 qızıl, 1 gümüş və 4 bürünc medal əldə edən Azərbaycan 35 ölkə arasında ümumi komanda hesabında 2-ci, kişilərin mübarizəsində 1-ci pillənin sahibi olub.