"Kişi və qadın milliləri arasında ayrı-seçkilik yaratmaq istəmirik. Elə görünə bilər ki, daha çox qadın millisi üzərində iş gedir. Ancaq elə deyil. Biz daha çox aşağı yaş qrupları üzərində iş görürük. İstəmirik ki, legionerlər cəlb edərək milli komanda quraq".

Prosport.Az-ın xəbərinə görə, bunu Azərbaycan Voleybol Federasiyasının prezidenti Şahin Bağırov deyib.
Bu gün Voleybol Federasiyası ictimaiyyət üçün 6 aylıq hesabat verib. Şahin Bağırov hesabatdan sonra klublarda olan prezident postu ilə bağlı danışıb:

"Siz düz deyirsiniz ki, İlqar Nuriyev əvvəl futbolda klub prezidenti olub. Zaur Axundov isə işləri ilə əlaqədar klubda rəhbər postunda işləmək istəmədi. Çünki klub prezidenti daim klubu ilə məşğul olmalıdır. Ona görə də onun şirkəti ilə bağlı işləri buna imkan vermirdi".