Bakıda keçirilən "Formula 1" üzrə dünya çempionatının 17-ci mərhələ yarışının qalibi Maks Ferstapen olsa da, azarkeşlər başqa pilotu qalib seçib.

Prosport.Az-ın xəbərinə görə, "Vilyams"ın ispaniyalı pilotu Karlos Sayns yarışın sürücüsü seçilib.

Əvvəla, ona görə ki, 31 yaşlı pilot ilk dəfə bu mövsüm podiuma çıxıb. Sayns həm də 3-cü yerə görə qazandığı 15 xalla turnir cədvəlində 6 pillə yüksəlib. Ümumiyyətlə, "Vilyams"ın pilotu Bakıda sonuncu dəfə podiuma 2017-ci ildə çıxmışdı. Bu nailiyyətə 3-cü yeri tutan Lans Stroll imza atmışdı.

Onu da bildirək ki, çempionatın ən sürətli pit stopuna isə "Red Bull"un yaponiyaı pilotu Yuki Sunodanın vaxtında atılıb. Yapon pilotun bolidi 2.14 saniyəyə hazır vəziyyətə gətirilib. Ümumiyyətlə, "Red Bull"un işçilərinin cəldliyi bu mövsüm Böyük Britaniya və Belçika Qran-prilərində də qeydə alınıb. Bu mövsüm 9 yarışın pit stoplarında ən yaxşı cəldlik göstərən isə "Ferrari" əməkdaşları olub.

Qeyd edək ki, sürücülərin yarışında "MakLaren"in pilotları – müvafiq olaraq Oskar Piastri və Lando Noris 324 və 299 xala malikdir. "Red Bull"un pilotu Maks Ferstapen isə 255 xalla 3-cüdür.

Mühərriklərin yarışında "MakLaren" 623 xalla liderliyini qoruyur. Xalını 290 xala yüksəldən "Mersedes" isə 286 xalı olan "Ferrari"ni 2-ci yerdən 3-cü pilləyə endirib.