Azərbaycanın üçqat paralimpiya çempionu Roman Saley (S12 kateqoriyası) Sinqapurun eyniadlı paytaxtında keçirilən paraüzgüçülük üzrə dünya çempionatının qalibi olub.

Prosport.Az xəbər verir ki, idmançı yarışın ilk günündə 100 metr məsafəyə arxası üstə üzmə üsulunda 1:01.58 nəticə ilə qızıl medal qazanıb.

Qeyd edək ki, 4-cü dəfə dünya çempionu olan Belarus əsilli Roman Saley sentyabrın 27-dək davam edəcək yarışda 100 metr məsafəyə sərbəst, batterflay (kəpənək) və 50 metr məsafəyə sərbəst üzmə üsullarında da mübarizə aparacaq.