Bakıda təşkil olunan "Formula 1" üzrə Azərbaycan Qran-prisinin açılış mərasimi keçirilib.

Prosport.Az xəbər verir ki, tədbir Dövlət Himninin səsləndirilməsi ilə başlayıb.

Himni Xalq artisti Alim Qasımov və Əməkdar artist Fərqanə Qasımova səsləndirib. Açılışda həmçinin milli simvolumuz – səkkizguşəli ulduz da nümayişin bir hissəsi kimi təqdim olunub.

Mərasimdə rəsmi şəxslər də iştirak edib. Gənclər və idman naziri Fərid Qayıbov, Avtomobil Federasiyasının prezidenti Anar Ələkbərov, Bakı şəhər İcra Hakimiyyətinin başçısı Eldar Əzizovdan başqa, AFFA prezidenti Rövşən Nəcəf, AFFA-nın vitse-prezidenti Elşad Nəsirov, Voleybol Federasiyasının prezidenti Şahin Bağırov, Atçılıq Federasiyasının prezidenti Elçin Quliyev və s. iştirak edib.

Açılışdan sonra "Formula 1"də əsas yarışa start verilib.