Azərbaycan paracüdoçusu İlham Zəkiyev (J1, +95 kq) Gürcüstanın paytaxtı Tbilisidə keçirilən Avropa çempionatının qalibi olub.

Prosport.Az xəbər verir ki, o, 1/4 finalda moldovalı Oleq Kretsulu məğlub edib.

Zəkiyev yarımfinalda türkiyəli Gökhan Biçəri və həlledici mərhələdə moldovalı İon Basoku ipponla üstələyərək qızıl medal qazanıb.

Qadınların mübarizəsində isə Dürsədəf Kərimova (J2, +70 kq) gümüş medalla kifayətlənib. Paralimpiya çempionumuz dairəvi sistem üzrə keçirilən yarışda əvvəlcə italiyalı Karolina Kostaya uduzub, daha sonra ispaniyalı Maria Fernandes, gürcüstanlı İna Kaldani və böyük britaniyalı Kirsten Teylor üzərində ipponla qələbə qazanaraq Avropa çempionatının gümüş medalçısı olub.

Qeyd edək ki, İlham Zəkiyev 9-cu dəfə Avropa çempionu adını qazanıb.