Milli Paralimpiya Komitəsində (MPK) yeni təyinat olub.

Prosport.Az xəbər verir ki, Şahin Kazımzadə MPK prezidentinin müşaviri təyin edilib.

1978-ci ildə Bakıda idmançı ailəsində anadan olan Kazımzadə Azərbaycan Dövlət Neft və Sənaye Universitetində təhsil alıb.

O, 1998-ci ildən əmək fəaliyyətinə başlayıb. Daha əvvəl idman sahəsində Azərbaycan Gimnastika Federasiyası və Bakı Gimnastika Məktəbində müxtəlif rəhbər vəzifələrdə çalışıb. Şahin Kazımzadə, həmçinin Azərbaycan Televiziyası (AZTV) və Azərbaycan Dövlət İnformasiya Agentliyi (AZƏRTAC) daxil olmaqla, media sahəsində də fəaliyyət göstərib.