Slovakiyanın paytaxtı Bratislavada keçirilən cüdo üzrə gənclər arasında Avropa çempionatında bu gün Azərbaycan cüdoçuları mübarizəni medalsız başa vurub.
Prosport.Az-ın xəbərinə görə, 73 kq çəki dərəcəsində Əbil Yusubov bürünc medal üçün təsəlliverici yarışda Luço Tavolettaya (İtaliya) "Qızıl xal"da 3-cü xəbərdarlıqla uduzub.
Qeyd edək ki, daha öncə 81 kq çəki dərəcəsində Süleyman Şükürov 1/8 finalda uduzaraq mübarizəni medalsız başa vurmuşdu.
15:45
Slovakiyanın paytaxtı Bratislavada keçirilən cüdo üzrə gənclər arasında Avropa çempionatında bu gün mübarizəyə qoşulan cüdoçularımızdan 1-i çıxışını davam etdirir.
Prosport.Az-ın xəbərinə görə, 73 kq çəki dərəcəsində Avropa çempionu Əbil Yusubov 1/4 finalda Viktor Skerlevə (Bolqarıstan) "Qızıl xal"da vaza-ari ilə uduzub.
Beləliklə, 18 yaşlı idmançımız bürünc medal üçün təsəlliverici yarışa qatılacaq.
14:51
Slovakiyanın paytaxtı Bratislavada keçirilən cüdo üzrə gənclər arasında Avropa çempionatında bu gün mübarizəyə qoşulan cüdoçularımızdan 1-i çıxışını davam etdirir.
Prosport.Az-ın xəbərinə görə, 73 kq çəki dərəcəsində Əbil Yusubov 1/8 finalda Stefan Maytinə (İsveçrə) 3-cü xəbərdarlıqla qalib gəlib.
81 kq çəki dərəcəsində isə Avropa çempionumuz və ikiqat dünya mükafatçısı Süleyman Şükürov 1/8 finalda İnyaki Bastan Merçana (İspaniya) 3-cü xəbərdarlıqla uduzaraq mübarizəni medalsız başa vurub.
13:11
Slovakiyanın paytaxtı Bratislavada keçirilən cüdo üzrə gənclər arasında Avropa çempionatında bu gün mübarizəyə 2 idmançımız qoşulub.
Prosport.Az-ın xəbərinə görə, oğlanlarda 73 və 81 kq çəki dərəcələrində Əbil Yusubov və Süleyman Şükürov yarışa qələbə ilə başlayıb.
73 kq çəki dərəcəsində Əbil Yusubov Yorqos Kotsaxristosa (Yunanıstan) ipponla qalib gəlib.
81 kq çəki dərəcəsində isə Süleyman Şükürov Duşan Qraxovatsı (Serbiya) vaza-ari ilə məğlub edib.
Hər iki idmançımız 1/8 finala vəsiqə qazanıb.
Qeyd edək ki, yarışın ilk günündə Nihad Məmişov (60 kq) və Məhəmməd Musayev (66 kq) qızıl, Nizami İmranov (66 kq) bürünc medal əldə edib. Azərbaycan hazırda 2 qızıl və 1 bürünc medalla sıralamada 2-ci yerdədir. İtaliya 2 qızıl, 2 gümüş və 1 bürünc medalla 1-cidir. Hələ ki cəmi 10 ölkə medal qazana bilib.