Slovakiyanın paytaxtı Bratislavada cüdo üzrə gənclər arasında Avropa çempionatının püşkatma mərasimi keçirilib.

Prosport.Az xəbər verir ki, püşkatmanın nəticələrinə görə cüdoçularımızın ilk rəqibləri müəyyənləşib.

Qitə birinciliyində Azərbaycan ümumilikdə 10 çəki dərəcəsində 13 idmançı (9 oğlan, 4 qız) ilə fərdi mübarizədə təmsil olunacaq. Yığmamız turnirin son günündə qarışıq komanda yarışında mübarizə aparacaq. Yarışda 43 ölkədən 367 idmançı (202 oğlan, 165 qız) iştirak edəcək.

Yarışın təsnifat mərhələsinin görüşləri bu gün Bakı vaxtı ilə saat 12:00-dan başlayacaq.

Oğlanlar

60 kq, 1/8 final
Nihad Məmişov – Qor Safaryan (Ermənistan) / Asxab İsayev (Belçika) cütünün qalibi ilə 
Fərid Qarayev – Luka Kabesana (Almaniya) / Ferens Fedora (Macarıstan) cütünün qalibi ilə

66 kq, 1/16 final 
Məhəmməd Musayev – Edvard Yakimov (Estoniya)
Nizami İmranov – Yakub Kurovski (Polşa) / Yuray Odkladal (Slovakiya) cütünün qalibi ilə 

73 kq, 1/16 final 
Əbil Yusubov – Yorqos Kotsaxristos (Yunanıstan)

81 kq, 1/16 final 
Süleyman Şükürov – Duşan Qraxovats (Serbiya)

90 kq, 1/16 final 
Aslan Kotsoyev – Levente Kiss (Macarıstan) 

100 kq, 1/16 final 
Davud Namazlı – İvan Titinkin (IJF) 

+100 kq, 1/8 final 
Ramazan Əhmədov – Yannis Antoniu (Kipr) 

Qızlar

48 kq, 1/16 final 
Fəridə Mirzəyeva – Viktoriya Slaşok (Polşa) 

52 kq, 1/16 final 
Xədicə Qədəşova – Nino Tatrişvili (Gürcüstan) 
Aydan Vəliyeva – Klara Erten (Almaniya) 

+78 kq, 1/8 final 
Nigar Süleymanova – Emma-Melis Aktaş (Estoniya)

Qarışıq komanda yarışı
1/4 final 
Azərbaycan – Yunanıstan / İsveçrə cütünün qalibi ilə