UEFA Çempionlar Liqasının ilkin mərhələsində “Araz-Naxçıvan” növbəti oyununu keçirib.

Prosport.Az xəbər verir ki, “qırmızı-ağlar” bu dəfə Şotlandiya çempionu "Saltires"lə üz-üzə gəlib. Baş məşqçi Kukseviç bu dəfə fərqli “5-lik”də mübraizəyə start verib. Düzdür, 1-ci dəqiqə tamam olmamış rəqib hesabı açıb. Amma fasiləyə qədər komandamız 6 dəfə onları meydanın mərkəzinə dəvət edib.

Fasilədən sonra hərəyə daha bir dəfə fərqlənən tərəflər yekun hesabı müəyyənləşdiriblər - 7:2.

Təmsilçimiz qrupda son oyununu “Ljuti Krajişniçi”yə qarşı keçirəcək. Avstriya çempionu ilə görüş avqustun 30-da, saat 21:30-da başlayacaq.

Qeyd edək ki, "Araz-Naxçıvan" ilk oyunda “Sparta Belfast”a 9:1 hesabı ilə qalib gəlib.