Azərbaycan təmsilçisi Nazim Babayev Qazaxıstanın Almatı şəhərində keçirilən atletika üzrə XXXIV Qosanov Memorialında bürünc medal qazanıb.

Prosport.Az xəbər verir ki, ilk yarış günündə mübarizəyə qoşulan atletlərimizdən Nazim Babayev uzunluğa tullanma növündə 7.48 metr göstərici ilə fəxri kürsünün 3-cü pilləsinə qalxıb.

Buna görə ona 100 dollar mükafat verilib.

Dünya Atletikası Kontinental Turun bürünc səviyyəli yarışında 15 ölkəni təmsil edən 150-dən artıq idmançı iştirak edir.

Qeyd edək ki, Nazim Babayev bu gün yarışın üçtəkanla tullanma növündə də mübarizə aparacaq.