Gənclər və İdman Nazirliyi Azərbaycan idmançılarının reytinq cədvəlini təqdim edib.

Prosport.Az xəbər verir ki, siyahı idmançıların yanvarın 1-dən iyunun 30-dək olan nəticələri nəzərə alınmaqla tərtib olunub

Birinci pillədə 330 xalla cüdoçu Zelim Tçkayev qərarlaşıb. Olimpiya çempionu Zelim Kotsoyev (320 xal) 2-ci, digər cüdoçu Elcan Hacıyev (230 xal) 3-cü olub.

Növbəti sıralarda cüdoçular Rəşid Məmmədəliyev (210 xal), Uşanqi Kokauri (190 xal), idman gimnastı Nikita Simonov (165 xal), yunan-Roma güləşçisi Qurban Qurbanov (160 xal), sərbəst güləşçi Giorgi Meşvildişvili, yunan-Roma güləşçiləri Həsrət Cədərov və Nihat Məmmədli (hamısı 150 xal) yer alıblar.

Olimpiya çempionu, bu dəfə "10-luq"dan kənarda qalan Hidayət Heydərov ilin əvvəlində açıqlanmış reytinqdə 2-ci sırada idi.