Moldovanın paytaxtı Kişinyovda keçirilən ağırlıqqaldırma üzrə 15 və 17 yaşlı yeniyetmə oğlan və qızlar arasında Avropa çempionatında erməni hakim Nazik Avdalyan Türkiyə himninə qarşı hörmətsizlik edib.

Prosport.Az xəbər verir ki, mükafatlandırma mərasimi zamanı Türkiyə himni səslənərkən zalda hər kəs hörmət əlaməti olaraq ayaq üstə dayansa da, erməni qadın hakim himnə məhəl qoymayıb. O çömələrək, telefonla məşğul olub.

Türkiyə himninə qarşı hörmətsiz davranışına görə Nazik Avdalyan cəzalandırılıb və ehtiyat hakimliyə göndərilib.

Qeyd edək ki, bu yarışda Azərbaycanın 11 idmançısı (3 qız, 8 oğlan) da iştirak edir. Amin Osmanov (55 kq, U-17) gümüş, Turan Əliyev (67 kq, U-17) bürünc medal qazanıb. Yunis Bayramov (67 kq, U-15) isə kiçik bürünc medallarla kifayətlənə bilib. İyulun 1-də başlamış Avropa çempionatına ayın 10-da yekun vurulacaq.