Azərbaycan atletləri Sloveniyanın Maribor şəhərində keçirilən komandalararası Avropa çempionatına uğurla start verib.
Prosport.Az xəbər verir ki, 3-cü Divizionda yer alan Azərbaycan milli komandasının ilk yarış günündə mübarizəyə qoşulan üzvlərindən Əlhəm Nağıyev və Lamiyə Vəliyeva ilk "3-lüy"ə düşüb.
Əlhəm Nağıyev 100 metr məsafəyə qaçışda 10.42 saniyə nəticə ilə 14 atletin mübarizə apardığı yarışda 1-ci yeri tutub.
Eyni məsafəyə qaçışda qadınların mübarizəsində paralimpiya çempionumuz Lamiyə Vəliyeva 11.62 saniyə göstərici ilə 2-ci olub.