Rəqəmsal inkişaf və nəqliyyat naziri, Azərbaycan Cüdo Federasiyasının prezidenti Rəşad Nəbiyevin Beynəlxalq Cüdo Federasiyasındakı (IJF) vəzifəsi bilinib.

Prosport.Az-ın xəbərinə görə, 47 yaşlı funksioner IJF-də texnologiya üzrə direktor təyin edilib.

Qeyd edək ki, Rəşad Nəbiyev iyunun 11-də 2025-2029-cu illər üçün IJF İcraiyyə Komitəsinə üzv seçilib. Ondan başqa, Malta, Özbəkistan (2), Çexiya, İspaniya, Zambiya, Yaponiya (2), Macarıstan, Rumıniya, Əlcəzair, Fransa (3), CAR, Sloveniyadan 16 nəfər üzv kimi fəaliyyət göstərəcək. 

Avstriyalı Marius Vizer 6-cı dəfə IJF prezidenti seçilib. Alan Liza (Böyük Britaniya) baş katib və Nasir Əl-Tamimi (BƏƏ) baş xəzinədar təyin edilib. Afrika Cüdo Birliyinin prezidenti Siteni Randrianasoloniayko (Madaqaskar), Asiya Cüdo Birliyinin prezidenti Obaid Əl-Anzi (Küveyt), Avropa Cüdo Birliyinin prezidenti Laslo Tot (Macarıstan), Pan Amerika Cüdo Konfederasiyasının prezidenti Karlos Seqara Preser (Peru), Okenaiya Cüdo Birliyinin prezidenti Keyt Korkeri (Avstraliya) həm də IJF vitse-prezidentləri kimi fəaliyyət göstərəcək.

Səbuhi Musa