Azərbaycan cüdoçusu Zelim Tçkayev (81 kq) Macarıstanın paytaxtı Budapeştdə keçirilən dünya çempionatında bürünc medal qazanıb.
Prosport.Az xəbər verir ki, osetin idmançı 3-cü yer uğrunda yarışda BƏƏ təmsilçisi Nuqzar Tatalaşvilini məğlub edib. Rəqib şido xəbərdarlığı ilə uduzub.
Beləliklə, Azərbaycan dünya çempionatında ilk medalını qazanıb. Azərbaycan bu göstərici ilə 11-ci sırada yer alıb.
Qeyd edək ki, mundialda Azərbaycan 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında da mübarizə aparacaq.
18:07
Azərbaycan cüdoçusu Zelim Tçkayev Macarıstanın paytaxtı Budapeştdə keçirilən dünya çempionatında yarımfinal görüşünə çıxıb.
Prosport.Az xəbər verir ki, 81 kq çəki dərəcəsində yarışan osetin əsilli idmançımız Vanq Cianqnana (Çin), Luan Almeydaya (Braziliya) ipponla, olimpiya, dünya, ikiqat Asiya çempionu Li Cun-hvana vaza-ari ilə qalib gəlib.
Onun yarımfinaldakı rəqibi gürcüstanlı üçqat dünya, üçqat Avropa çempionu və Paris-2024 Yay Olimpiya Oyunlarının gümüş mükafatçısı Tato Qriqalaşvili olub.
Rəqibinə 2 yuko xalı ilə uduzan Zelim Tçkayev bürünc medal uğrunda görüşdə digər gürcü cüdoçu – BƏƏ-ni təmsil edən Nuqzar Tatalaşvili ilə qarşılaşacaq.
Qeyd edək ki, mundialda Azərbaycan 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında da mübarizə aparacaq. Cüdoçularımız turnirdə hələ ki, medal qazana bilməyiblər.
