Macarıstanın paytaxtı Budapeştdə keçirilən cüdo üzrə dünya çempionatının 3-cü günündə də Azərbaycan medalsız qalıb.

Prosport.Az xəbər verir ki, bürünc medal üçün təsəlliverici görüşə qatılan Rəşid Məmmədəliyev (73 kq) yaponiyalı Tatsuki İşihara 3 şido xəbərdarlığı ilə uduzub.

Qeyd edək ki, artıq 8 cüdoçumuz ilk 3 gün ərzində medal qazana bilməyib.

17:20

Rəşid Məmmədəliyev 1/4 finalda Serbiya təmsilçisi Baysanqur Baqayaevə uduzub.

Prosport.Az xəbər verir ki, vaza-ari ilə uduzan idmançımız bürünc medal üçün təsəlliverici yarışa qatılacaq.

Onun rəqibi yaponiyalı Tatsuki İşihara olacaq. 

16:50

Azərbaycan cüdoçusu Hidayət Heydərov (73 kq) Macarıstanın paytaxtı Budapeştdə keçirilən dünya çempionatında ilk görüşdəcə uduzub.

Prosport.Az xəbər verir ki, olimpiya, dünya və Avropa çempionumuz 1/16 final mərhələsində Portuqaliyanı təmsil edən Otar Kvantidzeyə yuko balı ilə uduzub.

Bu onun olimpiya çempionu olduqdan sonra ilk rəsmi yarışı idi.

Həmçinin, gənclər və U-23-lər arasında Avropa çempionumuz Fidan Əlizadə (57 kq) ilk görüşündə uduzub. O, özü kimi gənclər və U-23-lər arasında Avropa çempionu olmuş Maritsa Perişiçə yuko balı ilə uduzub.

Rəşid Məmmədəliyev (73 kq) isə uğurlu çıxış edir. O əvvəlcə BƏƏ-ni təmsil edən Kazbek Naquçevə vaza-ari ilə, daha sonra gürcü olimpiya, dünya və Avropa çempionu Laşa Şavdautaşviliyə 3 şido xəbərdarlığı ilə qalib gəlib. Rəşid 1/4 finalda Serbiyanı təmsil edən Baysanqur Baqayevlə qarşılaşacaq.