Azərbaycanın qadınlardan ibarət cüdo yığması Sarayevoda (Bosniya və Herseqovina) keçirilən Avropa Kubokunun qalibi olub.

Prosport.Az xəbər verir ki, komandamız 2 qızıl və 2 bürünc medal qazanıb.

Könül Əliyeva (48 kq) və Gültac Məmmədəliyeva (57 kq) qızıl, Leyla Əliyeva (48 kq) və Günel Həsənli (78 kq) isə bürünc medala yiyələniblər.

Avropa Kubokunda yığmamız birdən çox qızıl medal qazanan yeganə komanda olub. Xorvatiya (1-3-0) 2-ci, Polşa isə (1-2-2) 3-cü yerə yüksəlib.

Qeyd edək ki, yarışda ümumilikdə 13 ölkənin cüdoçuları fərqlənib.