Qadın cüdo millimizin sabiq baş məşqçisi Rəşad Məmmədov İran millisində işləyəcək.

Prosport.Az-ın xəbərinə görə, R.Məmmədovla İran Cüdo Federasiyasının prezidenti, ikiqat dünya və üçqat Asiya çempionu Araş Mirismaili arasında müqavilə imzalanıb.

O, İranın əsas komandasında baş məşqçi işləməklə yanaşı, yeniyetmə və gənclərdən ibarət millilərin idman direktoru vəzifəsində çalışacaq.

Yeniyetmələrdən ibarət oğlan yığmamızın keçmiş çalışdırıcısı Ramiz Ramizzadənin onun köməkçisi olacağı gözlənilir.

Qeyd edək ki, Azərbaycan Cüdo Federasiyası ötən ilin sonunda müqaviləsinin müddəti başa çatan Rəşad Məmmədovla yolları ayırıb.