Çimərlik futbolu üzrə Azərbaycan milli komandası Avropa çempionatının I seçmə mərhələsində (EBSL) ilk oyununu keçirib.

Prosport.Az xəbər verir ki, B Liqasının A qrupunda yer alan millimiz İngiltərə yığması ilə qarşılaşıb.

İspaniyanın El Puerto de Santa Maria şəhərində təşkil olunan görüş Sahib Məmmədovun yetirmələrinin 5:4 hesablı qələbəsi ilə yekunlaşıb. Millimizin heyətində Ramil Əliyev 2, Sahib Məmmədov və Bayram Bayramlı hərəyə 1 dəfə fərqləniblər, 1 qol isə avtoqol kimi qeydə alınıb. Matçın taleyi ekstra taymda həll olunub.

Qrupun digər görüşündə Litva Belçikaya 3:0 qalib gəlib.

Qeyd edək ki, komandamız qrupda növbəti oyunlarını mayın 24-də Belçika (13:00), 25-də isə Litva (14:15) seçməsinə qarşı keçirəcək.