Macarıstanın paytaxtı Budapeştdə keçiriləcək dünya çempionatı ərəfəsində azərbaycanlı cüdoçuların bəzisi öz reytinqini yaxşılaşdırıb.

Prosport.Az xəbər verir ki, Elcan Hacıyev (90 kq) 1 pillə irəliləyərək 5-ci yerə yüksəlib.

Zelim Tçkayev (81 kq) isə 6-cı pilləyə qalxıb. Balabəy Ağayev (60 kq) yenidən ilk "10-luğ"a qayıdıb, Uşanqi Kokauri (+100 kq) isə 11-ci pillə ilə "Top-10"un astanasındadır.

Bununla yanaşı, Olimpiya çempionları – Hidayət Heydərov (73 kq) və Zelim Kotsoyev (100 kq) reytinq cədvəlində inamla liderliklərini davam etdirir.

Qeyd edək ki, iyunun 13-də start götürəcək dünya çempionatı üçün Azərbaycan komandasının heyəti hələ açıqlanmayıb.