Fransanın Strasburq şəhərində Avropa Şurasının İdman üzrə Genişləndirilmiş Hissəvi Sazişinin (EPAS) İdarə Heyətinin 19-cu iclası keçirilib.

Prosport.Az xəbər verir ki, Azərbaycanı bu tədbirdə Gənclər və İdman Nazirliyinin İdman şöbəsinin müdiri Elnur Məmmədov təmsil edib.

Tədbirdə Avropa ölkələrinin idman sahəsində məsul vəzifə daşıyan nümayəndələri iştirak ediblər. İclasda E. Məmmədov növbəti iki il müddətinə EPAS-ın İdarə Heyətinin Bürosuna üzv seçilib.

Tədbir zamanı növbəti illər üçün strategiya və idmanda inklüzivlik, təhlükəsizlik məsələləri, idmanla bağlı konvensiyalar və digər mövzular ətrafında müzakirələr aparılıb.