Azərbaycan cüdoçuları Gürcüstanın Qori şəhərində təşkil olunan böyüklər arasında Avropa Kubokunun ilk günündə 3 medal qazanıb.

Prosport.Az xəbər verir ki, 66 kq çəki dərəcəsində yarışan Nazir Talıbov bütün rəqiblərinə qalib gələrək fəxri kürsünün ən yüksək pilləsinə qalxıb.

Babarəhim Mirzəyev (60 kq) gümüş, Nəriman Mirzəyev (73 kq) isə bürünc medala yiyələnib.

Qeyd edək ki, turnirdə 15 ölkədən 169 cüdoçu qüvvəsini sınayır. Azərbaycan bu yarışda 19 kişi idmançı ilə təmsil olunur. Heyətdə olimpiya mükafatçımız Elmar Qasımov (100 kq) da var.