Azərbaycanın veteran ağırlıqqaldıranları Albaniyanın Dürres şəhərində keçirilən Avropa çempionatında 2 qızıl və 2 gümüş medal qazanıblar.

Prosport.Az xəbər verir ki, yığmanın heyətində Zülfüqar Süleymanov (M40, 67 kq) və Vaqif Müsadiq (M70, 81 kq) fəxri kürsünün ən yüksək pilləsinə qalxıb.

Zülfüqar Süleymanov həmçinin ustalar arasında yeni rekord da müəyyənləşdirib. O, təkanla qaldırmada 137 kq çəkini ram etməklə əvvəlki rekordu yeniləyib. "Neftçi" İdman Klubunun üzvü olan Vaqif Müsadiq isə 70 yaşında Avropa çempionu olan ilk azərbaycanlı kimi tarixə düşüb.

Digər ağırlıqqaldıranlar – Natiq Həsənov (M45, 96 kq) və Eldar Məmmədov (M45, 109 kq) isə gümüş medala sahib olub.