“Maklaren” komandasının avstraliyalı pilotu Oskar Piastri "Formula 1" üzrə dünya çempionatının 6-cı mərhələsi – Mayami Qran-prisinin qalibi olub.

Prosport.Az xəbər verir ki, 2-ci yeri “Maklaren”in britaniyalı pilotu Lando Norris tutub.

Ən yaxşı "3-lüy"ü “Mercedes”i təmsil edən britaniyalı Corc Rassel qapayıb.

Piastri 131 xalla çempionatın ümumi hesabında liderlik edir. İkinci yeri onun komanda yoldaşı Norris (115 xal) tutur. "Üçlüy"ü son dörd mövsümün çempionu, “Red Bull”un niderlandlı pilotu Maks Ferstappen (99 xal) tamamlayır.

Konstruktorlar Kubokunda “Maklaren” (246 xal) liderlik edir. “Mercedes” (141 xal) ikinci, “Red Bull” (105 xal) üçüncüdür.

Dünya çempionatının 7-ci mərhələsi mayın 16-dan 18-dək İtaliyanın İmola şəhərində keçiriləcək.