2009-cu ildə ağırlıqqaldırma üzrə Avropa çempionatının gümüş mükafatçısı olmuş Zülfüqar Süleymanov 12 il sonra beynəlxalq yarışda iştirak edəcək.  

Prosport.Az-ın xəbərinə görə, 42 yaşlı veteran idmançı Albaniyanın paytaxtı Dürres şəhərində keçirilən masterslər arasında Avropa çempionatında yarışacaq.

O, Avropa Veteran Ağırlıqqaldırma Assosiasiyasının təşkil etdiyi yarışda M40 kateqoriyasında, 67 kq çəki dərəcəsində mübarizə aparacaq.

Z.Süleymanovdan başqa, Azərbaycanı veteranların Avropa çempionatında Natiq Ağayev (M60 kateqoriyası, 96 kq), Virur Bayramov (M40, 102 kq), Natiq Həsənov (M45, 96 kq), Eldar Məmmədov (M45, 109 kq) və Vaqif Müsadiq (M70, 81 kq) təmsil edəcək. Həmçinin, Elxan Süleymanov yarışın jürisi kimi fəaliyyət göstərəcək. Yarış mayın 10-dək davam edəcək.

Xatırladaq ki, Zülfüqar Süleymanovun son beynəlxalq yarışı da Albaniyada olub. O, 2013-cü ildə Albaniyanın paytaxtı Tiranada keçirilmiş Avropa çempionatında bürünc medal qazansa da, daha sonra dopinqə görə ömürlük cəzalandırılmışdı. Ötən ilin martın 7-də isə Beynəlxalq Ağırlıqqaldırma Federasiyası onun ömürlük cəzasını ləğv edib.