Heydər Əliyev Fondunun təşəbbüsü ilə keçirilən “Bakı Marafonu 2025”in qalibləri müəyyənləşib.

Prosport.Az xəbər verir ki, “Küləyə qalib gəl” şüarı ilə keçirilən marafonda kişilər arasında yarışın qalibi türkiyəli Atac Sezgin olub.

Ukraynalı Vitali Şafar finiş xəttini 2-ci keçib. Bürünc medalı isə Türkiyənin digər təmsilçisi Murat Əməkdar qazanıb.

Qadınların mübarizəsində ukraynalı Natalya Semenoviç finişə hamıdan tez çatıb. Azərbaycanı təmsil edən Anna Yusupova 2-ci, yaponiyalı atlet Eriko Soma 3-cü yeri tutub.

Qaliblərə pul mükafatları və medallar təqdim olunacaq.

Qeyd edək ki, 21 km məsafədə olan marafonda 28 minədək iştirakçı qeydiyyatdan keçib. Yarışın qızıl medal mükafatçısı 3 min, 2-ci pillənin sahibi 2 min, 3-cü yerin sahibi isə 1000 AZN mükafat əldə edib.