Tacikistanın paytaxtı Düşənbədə keçirilən "Böyük Dəbilqə" turnirinin son günündə daha Azərbaycan 1 qızıl və 2 gümüş medal qazanıb.

Prosport.Az xəbər verir ki, 90 kq çəki dərəcəsinin finalında Elcan Hacıyev Vüqar Talıbova qalib gəlib.

Dağıstanlı legionerimiz Camal Həmzətxanov (+100 kq) finalda tacikistanlı cüdoçu Temur Rakimova məğlub olub və gümüş medalla kifayətlənib. Bürünc medal uğrunda mübarizə aparan Kənan Nəsibov (+100 kq) isə özbəkistanlı Utkirbəy Turoboyevə uduzub.

Qeyd edək ki, daha əvvəl Balabəy Ağayev (60 kq) qızıl medal qazanmışdı.

Xatırladaq ki, Azərbaycan bu yarışa 8 kişi idmançı ilə qatılmışdı. Komandamız sonda 2 qızıl və 2 gümüş medalla 2-ci olub. Meydan sahibi Tacikistan 4 qızıl, 3 gümüş və 4 bürünc medalla 1-ci yeri tutub. Fransa 2 qızıl, 1 gümüş və 4 bürünc medalla 3-cü olub.

13:50

Tacikistanın paytaxtı Düşənbədə keçirilən "Böyük Dəbilqə" turnirinin son günündə Azərbaycanın 3 cüdoçusu finala yüksəlib.

Prosport.Az xəbər verir ki, 90 kq çəki dərəcəsində yarışan Vüqar Talıbovla Elcan Hacıyev finalda qarşılaşacaq.

Finala vəsiqə qazanan Camal Həmzətxanovun (+100 kq) rəqibi isə tacikistanlı cüdoçu Temur Rakimov olacaq.

Kənan Nəsibov (+100 kq) isə bürünc medal uğrunda özbəkistanlı Utkirbəy Turabayevlə mübarizə aparacaq.

Bürünc medalllar uğrunda yarışlara və finallara Bakı vaxtı ilə saat 16:00-da start veriləcək.

Qeyd edək ki, Azərbaycan cüdoçularından daha əvvəl Balabəy Ağayev (60 kq) qızıl medal qazanıb.