Tacikistanın paytaxtı Düşənbədə cüdo üzrə "Böyük Dəbilqə" turnirinə start verilib.

Prosport.Az xəbər verir ki, yarışın ilk günündə Azərbaycan millisinin iki üzvü tatamiyə çıxacaq.

Balabəy Ağayev (60 kq) Fathur Rohman (İndoneziya) / Acıtı Dombuu (IJF) cütünün qalibi ilə, Yaşar Nəcəfov (66 kq) isə tacikistanlı Exson Safarzoda ilə üz-üzə gələcək. Hər iki cüdoçu mübarizəyə 1/8 finaldan başlayacaq.

Qeyd edək ki, Azərbaycan "Böyük Dəbilqə" turnirində 6 çəki dərəcəsində 8 cüdoçu ilə təmsil olunur. Yarışa mayın 4-də yekun vurulacaq.