Mingəçevir və Suqovuşanda keçiriləcək “Prezident Kuboku-2025” beynəlxalq reqatasının püşkatma mərasimi baş tutub.

Prosport.Az-ın yarışa ezam olunan əməkdaşı xəbər verir ki, püşkatma yerli və xarici hakimlərin, eyni zamanda komandaların nümayəndələrinin iştirakı ilə keçirilib.

Burada “Prezident Kuboku-2025”də mübarizə aparan idmançıların yaş qruplarına və avarçəkmə qayıqlarının növlərinə əsasən müxtəlif kateqoriyalarda yarış proqramı müəyyənləşib.

Qeyd edək ki, yarış sabah Suqovuşanda, 1 və 2 mayda isə Mingəçevirdə keçiriləcək.