Azərbaycan cüdoçusu Rəşid Məmmədəliyev Monteneqronun paytaxtı Podqoritsada keçirilən Avropa çempionatında bürünc medal qazanıb.

Prosport.Az xəbər verir ki, 73 kq çəki dərəcəsində çıxış edən idmançı mükafat uğrunda görüşdə macarıstanlı Daniel Seqedi ilə qarşılaşıb.

Rəqibinə 3 xəbərdarlıqla qalib gələn R.Məmmədəliyev fəxri kürsünün 3-cü pilləsinə qalxıb.

Bununla da qitə çempionatında medal qazanan Azərbaycan cüdoçularının sayı 2-yə çatıb. Daha əvvəl Əhməd Yusifov (60 kiloqram) Avropa 3-cüsü olub. Hazırda millimiz bu göstərici ilə Niderlandla birgə 9-cudur.

Qeyd edək ki, Avropa çempionatına aprelin 26-da yekun vurulacaq.

16:05

Azərbaycanın daha 1 cüdoçusu Monteneqronun paytaxtı Podqoritsada keçirilən Avropa çempionatında bürünc medal qazana bilər.

Prosport.Az xəbər verir ki, yarımfinalda məğlub olan Rəşid Məmmədəliyev (73 kq) 3-cü yer uğrunda görüşə çıxacaq.

Fidan Əlizadə (57 kq) əvvəlki raundda uduzaraq mübarizəni dayandırıb.

Ötən gün 5 idmançı qüvvəsini sınayıb və yalnız Əhməd Yusifov (60 kq) bürünc medal qazanıb.

Qeyd edək ki, Avropa çempionatında Azərbaycanı 12 çəki dərəcəsində ümumilikdə 15 cüdoçu (9 kişi, 6 qadın) təmsil edir. Yığma həmçinin qarışıq komanda yarışında mübarizə aparacaq.