Azərbaycan Cüdo Federasiyasının prezidenti Rəşad Nəbiyev Monteneqronun paytaxtı Podqoritsada keçirilən Avropa çempionatında bürünc medal qazanan Əhməd Yusifovu (60 kq) təbrik edib.

Prosport.Az xəbər verir ki, sosial şəbəkə hesabında cüdoçunun qələbə sevincini əks etdirən fotolarını paylaşan funksioner bu sözləri yazıb:

"Cüdoçumuz Əhməd Yusifov Monteneqroda keçirilən böyüklər arasında Avropa çempionatında bürünc medal qazanıb. Bu münasibətlə idmançımızı təbrik edir və çempionatda iştirak edən bütün təmsilçilərimizə uğurlar arzulayıram".

Qeyd edək ki, Avropa çempionatında Azərbaycanı 12 çəki dərəcəsində ümumilikdə 15 cüdoçu (9 kişi, 6 qadın) təmsil edir. Yığma həmçinin qarışıq komanda yarışında mübarizə aparacaq.